Mazhoranca vazhdon me kërkesat për përjashtimin e deputetëve të Partisë Demokratike, për ta lënë Kuvendin pa opozitë, ashtu siç e preferon kryeministri Edi Rama dhe për të votuar të qetë ligjet në interes të vetëm të disa njerëzve të lidhur me Qeverinë dhe jo të qytetarëve.
Pasi vendimit ekstrem për përjashtimin në bllok të 24 deputetë të PD-së, tashmë mazhoranca i është drejtuar komisionit të Etikës ku kërkon përjashtimin dhe të dy deputetëve të tjerë nga aktivitetet parlamentare, në lidhje me tensionet e djeshme në Kuvend.
Bëhet fjalë për deputetët Elda Hoti dhe Petrit Doda, ku socialistët pretendojnë se ata nuk lejuan zhvillimin e një seance normale në Kuvend. Petrit Doda mblodhi disa karrige tek foltorja, ndërsa Elda Hoti hodhi një lëndë të lëngshme në tapetin e sallës që ishte thjesht aromatizues.
