Kreu i PBDNJ-së Vangjel Dule deklaroi në seancën e sotme plenare se është shkelur Kushtetuta me ndalimin e hyrjes në parlament të deputetëve të opozitës dhe atij vetë.
Dule iu drejtua Spiropalit duke i kërkuar të thërrasin konferencën e kryetarëve pasi nuk mund të “përjashtohen si kope bagëtish parlamentarët se kështu dashka shefi Rama”.
“Javën e kaluar tentova të hyj në parlament, më penguan punonjësit e Gardës duke thënë se po zbatonin urdhrat. E njëjta gjë dhe sot, me gjuhë patronazhisti, me gjuhë nacionaliste duke më kujtuar identitetin tim etnik. Është kjo frymë që dëshironi të mbizotërojë. Merreni më ngadalë se ka parë kjo sallë ka parë shumë. Thërrisni Konferencën e Kryetarëve, nuk përjashtohen si kope bagëtish parlamentarët. Çdo gjë ka një limit, thirrini arsyes, zoti Shalsi dhe lërini retorikat me gogola”, tha Vangjel Dule.
