Një 25-vjeçar është arrestuar nga Policia për vjedhje në Sarandë. Nga veprimet hetimore dyshohet se i riu, në bashkëpunim me një shtetas tjetër kanë vjedhur një sasi parash në një dyqan si dhe kanë tentuar të vjedhin një dyqan elektroshtëpiakesh.
Policia njofton se po vijon puna për kapjen e bashkëpunëtorit si dhe për dokumentimin e vjedhjeve të tjera, që mund të jenë kryer nga këta shtetas.
“Shërbimet e Komisariatit të Policisë Sarandë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, bazuar në informacionet e siguruara nga inteligjenca informative, finalizuan me sukses operacionin policor të koduar “Storm 26,” si rezultat i të cilit u vu në pranga shtetasi:
- N., 25 vjeç, banues në Sarandë, për veprën penale “Vjedhja”.
Gjatë kontrollit fizik, këtij shtetasi iu gjetën një thikë dhe një sëpatë.
Nga veprimet hetimore dyshohet se ky shtetas, në bashkëpunim me një shtetas tjetër, më datë 12.10.2024, në lagjen nr. 4, kanë tentuar të vjedhin një dyqan elektroshtëpiakesh, ndërsa më datë 13.10.2024, në lagjen nr. 4, kanë vjedhur një shumë parash në një dyqan.
Vijon puna për dokumentimin e vjedhjeve të tjera që mund të jenë kryer nga këta shtetas.”– njofton policia.
Materialet procedurale i kaluan Prokurorisë, për veprime të mëtejshme.
