Aparaturat e kimioterapisë, që gjithashtu janë detyrë dhe përgjegjësi direkte e Ministrisë së Shëndetësisë që t`i sigurojë dhe vërë në punë në spitalin onkologjik, janë fakti tjetër skandaloz që inkriminon vendimarrësit mër të lartë të vendit. Një prej aparaturave që nuk ka funksionuar, është ajo e Ortovoltazhit. Kjo aparturë, e cila përdoret për trajtimin e rreth 90% të pacientëve me kimioterapi, ka qenë jashtë funksionit që prej vitit 2020, duke rrezikuar jetën e qindra pacientëve që nuk kanë kryer mjekim me kimioterapi me këtë aparaturë.
Mjekët onkologë të njësisë së radioterapisë, referojnë se jo të gjithë pacientet trajtohen edhe me Brakiterapi, por shumica e rasteve gati 200 pacienteve në vit duhet të trajtohen nëpërmjet kësaj pajisje me radioterapi. Trajtimi me Brakiterapi (Kyriterapi) nuk ka qenë funksional, për periudhën në auditim, për shkak të mungesës së burimit radioaktiv Iridium (192). Kjo pajisje nuk është bërë ende funksionale, për shërbimin dhe për trajtimin e pacientëve me Ca gjinekologjik me radioterapi.
Mungesa e Brankiterapisë, për periudhën e auditimit, ka sjellë mos trajtimin e 200 pacienteve në vit ose 600 gra paciente nuk e kanë marrë këtë shërbim me radioterapi, duke përbërë faktor risku për shëndetin e tyre. Sipas KLSH, nga spitali onkologjik janë njoftuar instacant më të larta për mos funksionimin e kësaj aparature në vitin 2021, por askush nuk mori masa që ta bëjë funksionale.
Pajisja mjekësore tjetër që nuk është funksionale prej datës 02.11.2022 është Ortovoltazhi, për shkak të një defekti serioz që nuk lejon trajtimin e pacientëve që vuajnë nga tumoret e lëkurës (Melanoma) (karcinomave me qeliza bazale dhe skuamoze, Lentigo malinje, sarkoma kaposi, Limfomat me qeliza T, Karcinoma me qeliza bazale merkel, Tumoret e gjëndrave të djersës, tumori i buzës, etj.)
Për sëmundjen tumorale (Melanoma), në referim të sektorit të statistikave në DP të QSUNT, bazuar në Regjistrin Spitalor të Kancerit, vetëm për vitin 2022 (të dhënat për vitin 2022 nuk janë ende të raportuar në ISHP), janë regjistruar si raste të reja 34 paciente femra dhe 51 pacientë meshkuj. Ndërsa për vitet 2020 janë konfirmuara gjithsej 75 pacientë dhe 61 pacientë për vitin 2020. Mjekët onkologë të Njësisë së radioterapisë, referojnë se, pacientët e rinj të regjistruar në vitin 2022 janë 85 pacientë të cilëve u shtohen edhe pacientët e viteve të mëparshme në varësi të stadit të sëmundjes. Mungesa e aparatit të Ortovoltazhit që prej datës 02.11.2022, ka sjellë mostrajtimin 200 pacientëve nuk e kanë marrë këtë shërbim me radioterapi, duke përbërë faktor risku për shëndetin e tyre.
Kontrolli i Lartë i Shtetit
Nga PAI- Spitali Onkologjik, në mënyrë të vazhdueshme është bërë prezent shqetësimi pranë DP të QSUNT, që pajisja e Ortovoltazhit është amortizuar prej vitit 2020, me arsyetimin se ”Aparati i Ortovoltazhit në Njësinë e Radioterapisë është i instaluar në vitin 2002. Ky aparat ka 20 vite që përdoret për trajtimin e tumoreve sipërfaqësore të lëkurës. Filtrat e aluminit janë të oksiduara, koka e aparatit nuk qëndron në gjendje fikse gjatë trajtimit për shkak të dëmtimit të frenave që e mbajnë kokën të palëvizshme, e për pasojë lëvizja e pakontrolluar e kokës gjatë procesit të trajtimit, nuk jep rezultatin dhe saktësinë e duhur të trajtimit. Ky aparat është pa mirëmbajtje prej 7-8 vitesh, gjë që ka ndikuar mjaft në performancë dhe në cilësinë efunksionimit të aparaturës. Jetëgjatësia e një aparati në Radioterapi sipas rekomandimeve ndërkombëtare të OKB dhe IAEA-së duhet të jetë 10-15 vite. 2022.
Foto që shihni në ekran, i përkasin aparaturës së re të Ortovoltazhit, e cila u bë donacion nga Agjencia Ndërkombëtare e Energjisë Atomike e Vineës, por që për fat të keq, ndonëse do duhet të shpëtonte jetë, u bënte karshillëk pacientëve që kishin nevojë për të në korridoret e spitalit onkologjik. Kjo paraturë nuk u vu në punë për shkak se duhej bërë një ambient.
Në të njëjtin raport, tregohet edhe për Disa elementë të tjerë shumë të rëndësishëm, të cilët mungojnë dhe duhet të sigurohen vazhdimisht për Njësinë e Radioterapisë janë: -Tubusat e Aparatit të Shiringës elektrikeqë shërbejnë për kryerjen e kontrastit intravenoz dhe që janë shumë të rëndësishme në vizualizimin dhe delineimin e targetit tumoral me saktësi të lartë nga mjeku radioterapeut. -Pompa që shërben për fryrjen dhe zbrazjen e ajrit të dyshekëve me vakum që shërbejnë për pozicionime specifike dhe trajtimin e patologjive të ndryshme përfshirë këtu dhe moshat pediatrike. -Maskat termoplastike individuale (head & head shoulders) që shërbejnë për pozicionimin e pacientëve me tumore të kokë-qafës gjë që e bën trajtimin e këtyre pacientëve të saktë dhe me precizon të lartë.
Bazuar mbi statistikat e numrit të pacientëve të trajtuar me Akselerator Linear përllogaritet një nevojë minimale prej 250 maskash termo plastike në vit nga të cilat rreth 50 maska termo plastike imobilizuese për kokë-shpatulla dhe 200 maska i mobilizuese kokë-qafë. Mos sigurimi i maskave termo plastike, për 250 pacientë përbën shkak për pasoja serioze për shëndetin e pacientëve të cilët kanë nevojë, pasi devijimi nga targeti për shkaqe të i mobilizimit jo të saktë mund të ketë pasoja fatale për pacientin duke dëmtuar indet rrethuese me funksione jetike./ Syri tv
