Kosova do të luajë në orën 20:45 kundër Qipros. Ndeshja në “Fadil Vokrri” ka interes të lartë ku “Dardanët” kërkojnë të arrijnë fitoren e tretë radhazi në Ligën e Kombeve.
Së fundmi janë publikuar dhe formacionet zyrtare. Franco Foda për këtë ndeshje do të luajë me formacionin 4-2-3-1, ku ka kthyer në portë Arijanet Muricin, i cili zë vendin e Amir Saipit që e zëvendësoi ndaj Lituanisë.
Mbrojtja nuk ndryshon me Mërgim Vojvodën që zë vendin e djathtë, ndërsa qendra me Amir Rrahmanin dhe Lumbardh Dellovën, ndërsa në të majtë është Donat Rudhani.
Në mesfushë luajnë emra si Lindon Emërllahun dhe Muharrem Jashari të cilët nuk luajtën ndaj Lituanisë. Sulmi i është besuar Edon Zhegrovës, Ermal Krasniqit dhe Milot Rashicës, të cilët do ta përkrahin Albion Rrahmanin.
Formacionet zyrtare:
