Një aksident i trefishtë u regjistrua mbrëmjen e djeshme në aksin “Levan-Qarr” ku si pasojë mbetën të plagosur 4 persona. Gjithashtu makina mori përpara dhjetëra bagëti të imta, ku 37 prej tyre ngordhën.
Policia ka vënë në pranga 26-vjeçarin banues në fshatin Pishporo. Nga kryerja e testit të alkoolit, pas aksidentit, rezultoi se e drejtonte automjetin, në gjendje të dehur.
“Në vijim të informacionit paraprak të dhënë mbrëmjen e djeshme, për një aksident rrugor të ndodhur në aksin “Levan-Qarr”, informojmë se specialistët e Sektorit të Policisë Rrugore të DVP Fier arrestuan shtetasin L. Dh., 26 vjeç, banues në fshatin Pishporo, sepse nga kryerja e testit të alkoolit, pas aksidentit, rezultoi se e drejtonte automjetin, në gjendje të dehur.
Nga ky aksident u dëmtuan lehtë shtetasi L. Dh. dhe 3 pasagjerë. Gjithashtu, ngordhën 37 bagëti të imëta.
Specialistët për Hetimin e Krimeve të Komisariatit të Policisë Fier referuan materialet në Prokurori ku nisi procedimi penal për shtetasin D. H., 28 vjeç, banues në fshatin Portëz, pasi ka goditur me grusht dhe me sende të forta një shtetas, për motive të dobëta.”- njofton policia.
Materialet procedurale i kaluan Prokurorisë, për veprime të mëtejshme.
