Kosova ka arritur një fitore me shumë vlera 1-2 në transfertë përballë Lituanisë takim i vlefshëm për Ligën e Kombeve.
Djemtë e Fodës treguan një angazhim maksimal në këtë ndeshje dhe treguan menjëherë se kishin hyrë në fushën e blertë vetëm me fitore.
Zhegrova duket se i sqaroi mosmarrëveshjet me teknikun dhe federatën dhe tregoi edhe njëherë përse lëvdatat në drejtim të tij nuk janë asnjëherë të tepërta.
Sulmuesi i Lille shënoi golin e parë për “dardanët” në minutën e 20-të, ndërsa Ermal Krasniqi realizoi golin e sigurisë në minutën e 65-të.
Dhe pse Lituania ngushtoi shifrat 5 minuta para fundit, gjithçka pati vlerë për statistikë. Me këto 3 pikë, Kosova i bashkohet Rumanisë në krye të grupit 1 në Ligën C.
Kujtojmë se rumunët kanë 1 ndeshje më shumë për të luajtur. Do të jetë kundër Qipros, kundërshtar ky i mposhtur nga Kosova në shtator.
