Një grua është gjetur pa shenja jete mbrëmjen e kësaj të shtune në territorin e fshatit Kabash në Pukë.
Viktima është shtetasja R. D., 55 vjeçe. Kallëzimin në Polici e ka bërë shtetasi N. D., ka njoftuar sallën operative se nusja e xhaxhait të tij është gjetur pa shenja jete, teksa kishte dale për të kullotur bagëtitë e imta.
Burimet zyrtare bëjnë me dije se paraprakisht dyshohet se shtetasja R. D, ka rrëshqitur si pasojë e terrenit të vështirë dhe ka humbur jetën.
Grupi hetimor po punon për sqarimin e rrethanave dhe dokumentimin ligjor të rastit.
