Klubi italian i Lacios është gjobitur me më shumë se 45 mijë euro nga UEFA për shkak të thirrjeve raciste dhe diskriminuese të tifozëve në ndeshjen kundër Nice, në Ligën e Evropës.
Krahas gjobës, klubit italian i mbyllet edhe një pjesë e stadiumit (pjesa ku akomodohen ultrasit) për takimin me Porton, të planifikuar për në nëntor dhe një ndeshje tjetër në vitin 2025. Lazio u gjobit gjithashtu 21,500 euro për hedhjen e fishekzjarrëve dhe të objekteve të tjerë dhe për bllokimin e kalimeve publike.
Vlen të theksohet se shënjestër e dënimit ishte edhe Atletico e Madrid. UEFA gjobiti “Los Colchoneros” me 30 mijë euro dhe mund të ndalojë shitjen e biletave për një ndeshje jashtë fushe për shkak të përshëndetjeve naziste gjatë ndeshjes kundër Benficas, në Champions League.
