Kombëtarja e Shqipërisë ka pësuar disfatën e radhës në Ligën e Kombeve, teksa herë është mundur me rezultatin 2-0, nga Republika Çeke në “EPET Arena” të Pragës.
Një dopietë e Chory në minutat 3’ e 63’ ishte vendimtare për fitoren e vendasve. Ndërkohë, kuqezinjtë e Sylvinho-s nuk arritën thuajse në asnjë moment të reagonin në këtë sfidë, e cila është humbja e dytë radhazi pas disfatës së shtatorit në “Air Albania” ndaj Gjeorgjisë, e cila është kundërshtari i pas 3 ditëve të Shqipërisë.
Një sfidë që për të besuarit e Sylvinhos u kompromentua që në nisjes të saj, teksa ende pa u nxehur mirë, vendasit e shohin veten e tyre në avantazh. Pikërisht Tomas Chory, i cili që në minutën e 3, me një kthesë të bukur e çon topin në cepin e majtë, duke mos i dhënë asnjë shans Strakoshës.
Çekët e administruan mire avantazhin gjatë pjesës së pare, duke mos lënë kombëtaren tonë, t’i afrohej portës kundërshtare, e në këtë mënyrë duke mos i dhënë mundësinë të rrezikonte për të gjetur barazimin.
Në pjesën e dytë, kuqezinjtë e nisën mirë, kur pas vetëm 7 minutash, jasir Asani në një kundërsulm të shpejtë shpërdoroi rastin më të mire për të realizuar, teksa vetëm për vetëm me portierin e çekëve e dërgon topin mbi kuadrat.
Dhe kur nuk shënon do të pësosh. Në minutën e 63 një krosim i Coufal nga e djathta, kthehet në gol mjaft mirë, pas një goditje të saktë me kokë nga Chory sërish.
Kjo për çekët ishte si një hakmarrje për ta, pasi u mposhtën në eliminatoret e Europianit, 3-0 në Air Albania.
