Pasio djali i tij Lulzim Toçi, mbyti bashkëshorten në banesën e tyre në Itali në sy të fëmijëve të mitur, Xhelal Toçi ka rrëfyer se i biri vuante nga depresioni.
Ai është shprehur se Lulzim Toçi merrte mjekim për depresion dhe mjeku, gjatë vizitën në spitalin në Tiranë, e kishte paralajmëruar që “mos e lë djalin vetëm, se do të bëjë ndonjë gjë të madhe”.
Babai i autorit tregoi se i biri ishte divorcuar nga Eleonor, por u rikthyen sërish bashkë dhe 24-vjeçarja shkoi të jetonte me të në Itali.
“E kam marrë vesh lajmin në 12 të natës. Më mirë qeveria ta vrasë djalin tim, më mirë të ishte vrarë fëmija im, e varrosja, asgjë. Ishte vajzë e mirë, por ngatërresa ka.
Këto vite kanë pasur probleme, por u pajtuan, e mori në Itali dhe ja ku përfunduan.
Divorci ka gati 6 muaj që është bërë. Ai ka qenë i sëmurë, faji është i imi. Ka kohë që ka kaluar në depresion. Unë e kam më të rëndë se familja e vajzës, nusja ime shkoi, edhe djali prap i ikur është.
Pas divorcit e çova në spital në Peshkopi, më pas në Tiranë e vizitova, më tha doktori tha ‘mos e lë djalin vetëm, se do të bëjë ndonjë gjë të madhe’. I dhanë disa kokrra, më pas e kanë çuar në Itali dhëndri dhe djali i madh, kokrrat i kanë bërë dëm, ndërroi kurën.
Jemi të frikësuar, na ka thënë policia të mos dalim. Kanë qëndruar këtu, na kanë marrë në mbrojtje”, tha babai i autorit.
Ndërsa nëna e 30-vjeçarit shtoi: “Na ra telefoni dhe na treguan, kemi mbaruar. Mori dhëndri, menduam se i ka ndodhur diçka vajzës sonë, kur na thanë për nusen”, tha ai.
