Në qarqet Lezhë dhe Shkodër në orët në vijim pritet të ketë reshje shiu me intensitet mesatar, të cilat sipas Ministrisë së mbrojtjes, mund të shkaktojnë probleme për banorët e zonave.
“Në bazë të parashikimit të Shërbimit Meteorologjik Ushtarak dhe Institutit të Gjeoshkencave, IGEO, në orët në vijim pritet të ketë reshje me intensitet mesatar në qarqet Shkodër dhe Lezhë.
Ministria e Mbrojtjes, në bashkëpunim me Agjencinë Kombëtare të Mbrojtjes Civile, po vijon koordinimin me autoritetet vendore për marrjen e masave të nevojshme në rast emergjence.
Gjithashtu, i bëjmë thirrje qytetarëve të tregojnë kujdes të shtuar dhe të bashkëpunojnë me autoritetet për çdo rast nevoje”, thuhet në njoftimin e MM.
View this post on Instagram
