Kryeministri i Hungarisë Viktor Orbán gjatë një deklarate tha se nëse emigracioni i parregullt vazhdon në Evropë, ata do t’i çojnë emigrantët në Bruksel. Gjithashtu Orbán u shpreh se në Hungari numri i emigrantëve është zero dhe nuk do ta lënë vendin e tyre në duart e të tjerëve.
“Nëse emigracioni i parregullt vazhdon në Evropë, nga Budapesti ne do t’i çojmë emigrantët në Bruksel dhe do t’i lëmë para zyrave të ndryshme. Në Hungari numri i emigrantëve është zero, ne nuk e lëmë vendin tonë në duart e të tjerëve. Kushdo që dëshiron të hyjë në vendin tonë duhet të presë lejen përkatëse, jashtë kufijve tanë,” tha Orban.
Së fundi, Viktor Orbán theksoi se në Hungari nëna është grua dhe babai është burrë dhe kjo nuk do të ndryshojë, pavarësisht qëndrimit të kundërt të së majtës ndërkombëtare.
