Lajm i hidhur për Bayern Munich. Klubi bavarez ka njoftuar se Jamal Musiala do të jetë jashtë ndeshjes së Bundesligës kundër Eintraht Frankfurt, për shkak të një lëndimi.
Siç njoftuan bavarezët në rrjetet sociale, mesfushori me tipare ofensive do të duhet të bëjë pushim, për shkak të problemeve me ijën. Ky ishte rezultati i analizës nga departamenti mjekësor.
Prandaj, 21- vjeçari do të humbasë ndeshjen e ardhshme kundër Frankfurtit, e planifikuar për t’u luajtur sot.
Sipas informacioneve të “Sky”, Musiala do të mungojë edhe për dy ndeshjet ndërkombëtare kundër Bosnjë-Hercegovinës dhe Holandës në Ligën e Kombeve.
