Zbardhen detaje të reja nga krimi i rëndë i ndodhur pasditen e sotme në fshatin Gjashtë të Sarandës.
Nga hetimet e deritanishme dhe marrja e dëshmive nga të afërmit, paraprakisht mësohet se viktima e kishte ftuar një vit më parë kishte marrë Admir Ferik Beqirin, shokun e tij që sot i mori jetën, që të jetonin së bashku.
Por kohët e fundit dyshohet se viktima, Gëzim Bizioni, i kishte kërkuar 42-vjeçarit Beqiri të largohej nga banesa. Shkak ishte problemi i theksuar që kishte autori i dyshuar me alkoolin. Personi që shihni në foto është 42-vjeçari Admir Beqiri i njohur ndryshe dhe si “Miri i Safos”, i cili pas një sherri banal ka goditur me shishe qelqi 65-vjeçarin Gëzim Bizioni, duke i shkaktuar plagë të thella, të cilat sollën dhe vdekjen e tij.
Sipas policisë, Gëzim Bizioni ka vdekur në vendngjarje, kurse autori i krimit është arrestuar dhe ndodhet në paraburgim.
- Njoftimi i policisë:
“Sot, në fshatin Gjashtë, Sarandë, dyshohet se për motive të dobëta, shtetasi A. B., rreth 42 vjeç, ka goditur me shishe qelqi shtetasin G. B., rreth 65 vjeç.
Si pasojë e dëmtimeve të marra, shtetasi G. B. ka ndërruar jetë në vendngjarje, në oborrin e banesës së tij.
Shërbimet e Policisë shkuan menjëherë në vendngjarje dhe, falë reagimit të shpejtë, bënë të mundur kapjen e autorit të dyshuar, shtetasin A. B., i cili u shoqërua në Komisariatin e Policisë Sarandë për veprime të mëtejshme hetimore.
Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes”, njofton policia.
Lexo edhe:
Detaje nga krimi në Sarandë/ Viktima dhe autori ishin shokë dhe jetonin bashkë (EMRAT)
