Analisti Fatos Lubonja ka deklaruar mbrëmjen e sotme se Shqipëria po shkon drejt tiranisë së maxhorancës.
I ftuar në emisionin Opinion në News 24 Lubonja theksoi se maxhoranca ka me vete oligarkët, mediat dhe se bashkëpunon me krimin.
Sipas Lubonjës reforma në drejtësi është krijuar për të eliminuar opozitën dhe jo për të pasur drejtësi të pavarur në vend.
Fatos Lubonja: Shqipëria po shkon drejt tiranisë së maxhorancës. Demokracia është dialog dhe parti do të thotë pjesë. Nga 2017 ka pësuar mutacion të keq. Më herët ka pasur një ekuilibër mes partive, ka pasur edhe rotacion. Reforma në drejtësi që gjoja u bë për drejtësi të pavarur për mua është bërë për të eliminuar opozitën. Gjëja kryesore që ka rënduar situatën është përfshirja e krimit të organizuar në politikë dhe në ekonomi.
