Ish “Sofia” e fundit e Arian Çani, Xheni Brahaj prej kohësh ka zgjedhur të qëndrojë larg ekranit, edhe pse shpesh herë tërheq vëmendjen e mediave roze, duke ekspozuar format seksi në rrjetet sociale.
Duke mos zgjedhur që të jetë thjesht një “vajzë e bukur ekrani”, Xheni tashmë është fokusuar në karrierën e saj si juriste, teksa shumë shpejt pritet të ndryshoj “status”, duke marrë lishencën e avokatisë.
Por jo vetëm kaq, Xheni po shkëlqen edhe në karrierën e saj si aktore, që mund ta konsiderojmë si një talent të fshehur të saj.
Rreth një javë më parë ka dalë në të gjitha kinematë e Tiranës, komedia “Falli” me skenar të Marius Dervishit. Xheni ka një rol kryesor në film, krah emrave të mëdhenj të aktrimit shqiptar si Marjana Kondi apo Behar Mera.
E kthyer nga një bjonde në një flokë-kuqe, Xheni shkëlqeu edhe në tapetin e kuq, tëksa komedia “Falli” është një mundësi e mirë për të gjithë ata që kanë nevojë për të qeshur, e mbushur plot me batuta epike.
Ky është suksesi i dytë për Xheni Brahajn, pasi para dy vitesh ishte dhe një prej aktoreve të filmit “Seder 2”, eksperienca e parë e saj në kinematografi.
