Vangjel Tavo ka marrë zyrtarisht detyrën këtë të hënë si kreu i Bashkisë së Himarës. Ai ka bërë betimin para anëtarëve të Këshillit Bashkiak në mbledhje e mbajtur rreth orës 10:00.
Tavo ka bërë betimin pas ligjërimit të mandatit nga Komisioni Qëndror i Zgjedhjeve dhe certifikimit nga Gjykata e Vlorës javën e kaluar.
Ai mori mandatin në zgjedhjet e parakohshme lokale të 4 Gushtit, teksa do të ushtrojë mandatin e tij për 3 vite, deri në vitin 2027 kur mbahen zgjedhjet e radhës lokale.
Në zgjedhjet për kreun e Bashkisë së Himarës, kandidati i socialistëve Vangjel Tavo fitoi me 5022 vota, përkundër kandidatit të opozitës Petro Gjikuria me 3545 vota.
