Teksa ka kaluar mbi 24 orë në burgun e Fierit, deputeti i PD-së, Ervin Salianji ka reaguar duke përcjell një mesazh përmes rrjeteve sociale, ku falenderon të gjithë ata që i kanë dhënë mbështetje në këto 24 orë.
Më tej ai shprehet se ka të gjitha energjitë për të dalë triumfues dhe për t’u bashkuar sërish me demokratët në këtë betejën kundër së keqes.
“Miqtë e mi, mbështetja dhe forca që më keni dhënë në këto 24 orë ka qenë e jashtëzakonshme! Dua t’ju siguroj se kam gjithë energjitë për të dal triumfues dhe për t’u bashkuar me ju në luftë ndaj të keqes që mban mbërthyer këtë vend prej 11 vitesh! Falenderime nga zemra”, – shkruan Salianji.
Gjykata e Apelit dënoi dy ditë më parë me 1 vit burgim Ervin Salianjin për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Partia Demokratike e ka konsideruar këtë vendim si një hakmarrje politike të Edi Ramës dhe Fatmir Xhafajt dhe të pambështetur në prova dhe në ligj. Ervin Salianji pritet ta ankimojë vendimin e Apelit në Gjykatën e Lartë.
