Drejtuesi politik i PD-së në Tiranë, Belind Këlliçi ndodhet në Shtetet e Bashkuara të Amerikës, ku ka marrë pjesë në takimin elektoral që ish-presidenti amerikan dhe kandidati aktual Donald Trump ka zhvuilluar në Warren Michigan.
Në një postim në rrjetet sociale, Këlliçi shkruan se në këtë miting ka marrë pjesë me ftesë të kongresmenes Lisa McClain, teksa bashkë me të ka qenë dhe miku i tij, Gjovalin Gega.
Këlliçi thotë se ka patur një super energji pozitive, diskutim brilant dhe premtime konkrete për përmirësimin e jetës dhe ekonomisë amerikane, si dhe janë përshëndetur edhe “Albanian Americans Conservative Republicans”.
Postimi i plotë:
Me ftesë të Congresswoman Lisa McClain, përfaqësuese në Kongresin Amerikan për Michigan 9th district, së bashku me mikun tim patriotin shqiptar Gjovalin Gega, mora pjesë në takimin e Presidentit Donald J Trump, në Warren Michigan.
Një super energji pozitive, diskutim brilant dhe premtime konkrete për përmirësimin e jetës dhe ekonomisë amerikane!
Qershia mbi tortë në takim, ishte dhe përshëndetja e Albanian Americans Conservative Republicans të cilët mbështesin fuqishëm rikthimin e Presidentit Trump.
