Ka përfunduar procesi ligjor në ambientet e Policisë së Tiranës dhe tashmë deputeti demokrat Ervin Salianji po transportohet me makinë drejt burgut të Fierit, aty ku do të kryejë dhe dënimin e tij të vendosur një ditë më parë nga Gjykata e Apelit lidhur me çështjen “Babale”.
Në foton e mësipërme shihet momenti kur eskorta që shoqëron Salianjin niset nga ambientet e Policisë së Tiranës drejt Fierit.
Salianji u vetëdorëzua pasditen e sotme në ambientet e Policisë së Tiranës.
Salianji qëndroi për rreth 90 minuta në ambientet e Drejtorisë së Policisë në shoqërinë e avokatëve të tij Marash Logu dhe Ledio Braho.
Para se të futej në ambientet e godinës së policisë së Tiranës, Salianji është takuar me mbështetës e simpatizantë të PD-së, të cilët kanë bllokuar rrugën në shenjë proteste, kundër burgosjes së deputetit.
