Një ditë pasi Gjykata e Apelit la në fuqi dënimin me një vit burg, deputeti demokrat Ervin Salianji është paraqitur gjatë paradites së sotme në Selinë e PD-së.
U raportua se Salinji po zhvillon një mbledhje pune me kreun e Grupit Parlamentar te PD, Gazment Bardhi dhe nënkryetarin Agron Gjekmarkaj.
U mësua se në fokusin e këtij takimi është plotësimi i dokumenteve për te kallëzuar ne SPAK, ish-ministrin e Brendshëm Fatmir Xhafaj për falsifikimin e çështjes së Salianjit dhe hetim pasuror.
Vetë deputeti demokrat tha mbrëmjen e djeshme se PD do të depozitojë kallëzim penal në SPAK për Xhafajn, sot ose në ditët e ardhshme.
“I qëndroj 1 milion herë, do ta vazhdoj dhe pas. PD do të depozitojë kallëzim penal në SPAK për falsifikimin e kësaj çështje, nesër ose të hënën”, tha Salinji.
