Një 35-vjeçar shqiptar, identiteti i të cilit nuk bëhet i ditur, është arrestuar në Romë pasi akuzohet si pjesë e një grupi të strukturuar kriminal, grabitje dhe zhvatje.
Siç raportohet nga mediat italiane, në orët e para të pasdites së të mërkurës më 25 shtator, në rrethin Murialdo, autoritetet zbatuan urdhrin e ekzekutimit me burg, të lëshuar nga Prokuroria e Përgjithshme e Republikës në Gjykatën e Apelit të Romës.
“Masa përfshinte një 35-vjeçar me origjinë shqiptare, tashmë i nënshtruar në arrest shtëpie, i mbajtur përgjegjës për zhvatje, grabitje dhe shoqërim kriminal të tipit mafioz, i zbuluar mes Viterbos në nëntor 2019″, thuhet në deklaratë.
Shqiptari i arrestuar është dërguar në burgun ‘Nicandro Izzo’ në zonën e Mammagialla, ku pritet të dënohet me rreth 10 vjet e 9 muaj burgim.
