Një makinë ka marrë flakë në ecje e sipër dhe është shkrumbuar rreth orës 08:05, te mbikalimi i Rinasit.
Policia thekson se nga zjarri ka vetëm dëme materiale dhe grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
Njoftimi i policisë:
Tiranë/Informacion paraprak
Me datë 26.09.2024, rreth orës 08:05, te mbikalimi i Rinasit, ka marrë flakë në lëvizje e sipër dhe është djegur automjeti tip “Volkswagen”, me drejtuese shtetasen A. K., dhe si pasojë ka vetëm dëme materiale.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
