Kreu i Bashkisë së Kavajës, Fisnik Qosja ka reaguar në lidhje me vendimin politik të Gjykatës së Apelit, e cila dënoi me 1 vit burgim deputetin Ervin Salianji për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Në një postim në rrjetet sociale, Qose shkruan se Salianji është një fitues dhe sipas tij, kjo është arsyeja e vendimit të sotëm aq banal të Gjykatës së Apelit.
Ai shkruan më tej se opozitës po i hyhet në hak dhe frenimi i mobilizimit të saj në kulmin e fushatës zgjedhore me motivacione politike e për më tepër me duart e drejtësisë, nuk është asgjë tjetër, veçse minim i demokracisë.
Sipas kryebashkiakut të Kavajës, socialistët i kanë bërë llogaritë gabim, pasi do të dalin më të fortë nga kjo histori.
Reagimi i Fisnik Qosja:
“Mbështetje të plotë për mikun Ervin Salianji, i cili për fat është dhe një prej drejtuesve më të aftë dhe premtues të Partisë Demokratike dhe opozitës shqiptare!
Ervin Salianji është një FITUES dhe kjo është arsyeja e vendimit të sotëm aq banal të Gjykatës së Apelit!
Opozitës tashmë po i hyhet në hak dhe frenimi i mobilizimit të saj në kulmin e fushatës zgjedhore me motivacione politike e për më tepër me duart e drejtësisë, nuk është asgjë tjetër, veçse minim i demokracisë shqiptare!
Kjo është një sfidë ndaj brezit të rinj të politikanëve të Partisë Demokratike, nga të cilët në fakt kalon dhe suksesi zgjedhor i opozitës dhe kthimi i Partisë Demokratike në krye të qeverisjes!
Por kësaj radhe i kanë bërë llogaritë gabim! Bashkë më Ervin Salianjin, do dalim shumë më të fortë nga kjo histori!”
