UEFA ka bërë të ditur se nuk do të zhvillojë finalen e Ligës së Kampioneve të vitit 2027 në stadiumin “San Siro” siç kishte miratuar fillimisht.
Vendimi ka dalë nga mbledhja e Komitetit Ekzekutiv të UEFA-s, i cili ka hapur edhe një herë procesin për të kërkuar organizatorin e një finaleje të tillë.
Klubet dhe komuna e Milanos nuk kishin rënë dakord mbi projektin e rikonstruksionit të stadiumit, pasi Milani dhe Interi nuk dëshironin të investonin në një impiant i cili sipas tyre duhet rindërtuar nga e para.
Sipas UEFA-s, meqë komuna e Milanos nuk garantonte rikonstruksionin e planifikuar në impiant dhe në zonën përreth, atëherë ishte e pamundur që të planifikohej zhvillimi i një finaleje në vitin 2027.
Kësisoj, i ishte hequr finalja Milanos dhe brenda qershorit 2025 do të caktohej emri i stadiumit të ri që do të zhvillonte këtë sfidë. Tani italianët po bëjnë maksimumin që të mbajnë këtë finale në Itali, duke e kaluar atë në stadiumin “Olimpico” të Romës.
As the Municipality of Milano could not guarantee that the San Siro and its surroundings would not be affected by refurbishments, it was today decided to re-open the bidding process for the 2027 #UCL final.
A decision on the new host is expected to be made in May/June 2025. pic.twitter.com/8H7NkyX8ai
— UEFA (@UEFA) September 24, 2024
