Tirana dhe Skënderbeu do të përballen të dielën në orën 19:00 në ndeshjen vlefshme për javën e 7-të të Superiores.
Takimi që do të luhet në “Air Albania” ështe e një rëndësie të madhe për të dy ekipet teksa Tirana aktualisht ndodhet në zonën e ftohtë ndërsa Skënderbeu renditet i shtati.
Ndërkohë Tirana e cila është organizatore e këtij takimi ka nxjerrë në shitje biletat ku çmimet variojnë nga 400 lekë në 3000 lekë të reja.
Vlen për t’u theksuar se gjatë kësaj kohe po bëhet thirrje nga tifozët e Tiranës për masivitet në stadium.
Kujtojmë se kryeqytetasit kërkojnë me ngulm fitoren e parë, teksa numërojnë 6 barazime radhazi.
