Argita Malltezi, vajza e Sali Berishës, shprehet se krerët e qarqeve në PD janë si vendime që janë marrë në kushte kur pushteti bëri çdo gjë për të goditur PD-në. Ajo shton se ata janë në terren për të provuar veten e tyre në raport me votat dhe më pas do të përgjigjen para demokratëve.
“Sa u takon të emëruarve në qarqe sigurisht që vendimmarrja në PD është prezente. Këto janë vendime që janë marrë në kushte kur pushteti bëri çdo gjë për të goditur PD-në. A ishte bashkimi, me gjithë këto figura që mund të mos jenë të gjithë të pëlqyeshëm, a ishte bashkimi gjëja më e mirë për PD-në? Sigurisht që ishte!
Prandaj janë në terren për të provuar veten e tyre në raport me votat dhe më pas do të përgjigjen para demokratëve. Nuk mund të bëhet dikush direkt kryetar qarku sa ka ardhur në PD apo është i ri.”- tha Malltezi për “Drejt” nga Luan Rama.
