Partizani është favorit në letër kundër Tiranës, që vjen pas pesë barazimesh dhe është një skuadër e rindërtuar nga e para.
Edhe bastet kanë këtë qëndrim, duke kuotuar me koeficientin 1.94 fitoren e Partizanit, që e luan si vendës këtë përballje.
Fitorja e Tiranës kuotohet me koeficientin 3.52, teksa barazimi është vlerësuar me 3.32. Mbetet të shihet se çfarë do të dhurojë fusha e lojës.
Kjo ndeshje i gjen skuadrat në një situatë krejt ndryshe nga beteja e fundit mes tyre, që u luajt në prill të këtij viti.
Shumë lojtarë në të dyja kampet, por veçanërisht te Tirana, janë larguar dhe të tjerë kanë ardhur. Trajnerët gjithashtu kanë ndryshuar.
Ato që nuk ndryshojnë janë shifrat, me Partizanin, që nuk humb në derbi që nga dhjetori i vitit 2022, kur i mposhte Tirana me dopietën e Redon Xhixhës.
Më pas, në shtatë ndeshje gjithçka ka folur për “demat”.
