Liri Berisha, bashkëshortja e kreut të PD-së Sali Berisha, ka marrë pjesë bashkë me të bijën, Argita Malltezin, në homazhet në nderim të ish-deputetit të PD-së, Gerti Bogdani, i cili humbi jetën ditën e djeshme në moshën 44-vjeçare pas arrestit kardiak.
Në një prononcim për mediat pas homazheve në ambientet e Kuvendit, Liri Berisha është shprehur se asgjë nuk ka vlerë në këto momente sesa jeta e atij që iku. Më tej ajo u lut që familja e tij, prindërit e bashkëshortja, të gjejnë forcën për të kapërcyer këtë humbje të madhe.
“Asgjë nuk ka vlerë në këto momente se jeta e atij që iku. Në pozicionin e nënës dua të ngushëlloj prindërit dhe lutem bashkë me ta të gjejnë forcën për ta kapërcyer këtë dhimbje të rëndë. Edlirën, para së cilës dalin detyra të rënda dhe të vështira kryer. Ngushëllime miqve, shokëve, me të cilët bëri një rrugëtim të shkurtër. Do ta kujtojmë më shumë dashuri, respekt dhe me shumë mirësi.“, tha Liri Berisha.
