U luajtën prej orës 18:45, dy duelet e vlefshme për Ligën e Kampioneve.
Sparta e Pragës shkëlqeu me rezultatin 3-0 në duelin ndaj Salzburgut, ku në fushën e lojës për skuadrën çeke zbritën 3 lojtarë shqiptarë.
Protagonist u bë Qazim Laçi, i cili gjeti rrugën e rrjetës në minutën e 58-të, duke vulosur shifrat në 3-0.
Në këtë duel pati minuta edhe për Rrahmanin dhe Krasniqin që u aktivizuan në minutat 64 dhe 72, ndërkohë që Tuci e ndoqi duelin nga stoli.
Përballja tjetër mes Bolognas dhe Shakhtar Donetsk u mbyll në barazim pa gola. Vlen të theksohet fakti se ukrainasit humbën penallti në minutën e 4-t, me gjuajtjen e Sudakov që u ndal nga portieri Skorupski.
