Policia e Tiranës ka arrestuar tre persona, të cilët akuzohen se kanë grabitur sende me vlerë rreth 15 mijë euro në një banesë në kryeqytet. Gjithashtu, është arrestuar dhe pronar i një argjendarie, i cili dyshohet se ka blerë sendet e vjedhura nga tre autorët e dyshuar.
Në kuadër të operacionit policor të koduar “Falco” janë vënë në pranga shtetasit Leonard Balla, 25 vjeç, Ervin Xaka, 21 vjeç, dhe Denis Myftari, 23 vjeç, të tre banues në Fushë Krujë, të cilët akuzohen për veprën penale “Vjedhja” kryer në bashkëpunim.
Po ashtu është arrestuar dhe shtetasi Florjan Çela, 34 vjeç, banues në Fushë Krujë, për veprën penale “Pastrimi i produkteve të veprës penale ose veprimtarisë kriminale”
“Nga veprimet hetimore dyshohet se, më datë 13.09.2024, në rrugën “Astrit Losha”, shtetasi Denis Myftari, ka ruajtur shtetasin Leonard Balla, i cili ka hyrë në një banesë dhe ka vjedhur sende me vlerë (çanta të markave të kushtueshme dhe aksesorë të tjerë) me vlerë rreth 15 000 euro. Më pas bashkëpunëtori i tyre, shtetasi Ervin Xaka, ka marrë këta dy shtetas me automjet dhe i ka larguar nga vendi i ngjarjes.
Në cilësinë e provës materiale janë sekuestruar disa nga sendet e vjedhura të gjetura në dyqanin e shtetasit Florjan Çela” – thuhet në njoftimin e Policisë.
Bëhet fjalë për një apartament në zonën e Astirit, teksa autori ka hyrë nga tarraci e pallatit në ballkonin e apartamentit, i filmujar dhe nga kamerat e sigurisë.
Materialet i kaluan Prokurorisë së Tiranës për vperime të mëtejshme.
