Dita që mezi pritej nga tifozët më në fund erdhi. Sot në mbrëmje do nisë sezoni i ri i Champions League që vjen me një format të ndryshuar, jo më me 32 por 36 ekipe dhe pa fazën klasike të grupeve.
Ndër të tjera spikat superdueli që ka emocionuar Evropën në të shkuarën, Milan-Liverpool. ‘Djalli’ ka hasur shumë vështirësi në Seria A, ndërsa Liverpool në fundjavë pësoi humbjen e parë në Premier League kundër Nottingham.
Në prag të sfidës që nis në orën 21:00 në San Siro, trajneri i Milanit Fonseca ka deklaruar që kjo përballje do tregojë vlerën reale të skuadrës së tij, ndërsa ka bërë thirrje për mbështetjen e tifozëve. Sakaq Arne Slot i Liverpoolit është shprehur se ‘Milani është një klub special për holandezët’, ndërsa ka saktësuar se Chiesa nuk është ende gati për lojë.
Sezoni i ri i Championsit gjithsesi do nisë në Torino, teksa Juventusi i rikthyer në këtë kompeticion pret holandezët e PSV në orën 18:45. Sipas trajnerit Thiago Motta të luash në Champions League është krenari dhe jo presion, referuar pritshmërive që kanë tifozët. Po në orën 18:45 në Zvicër luhet Young Boys-Aston Villa.
Në fushë sonte zbresin edhe kampionët në fuqi, Real Madrid, që pret në orën 21:00 në Bernabeu Sttutgartin. 15 herë fituesit e këtij kompeticioni për këtë përballje kanë rikuperuar futbollistë si Camavinga dhe Bellingham, të cilët janë stërvitur me grupin.
Sakaq Bayern Munchen luan kundër Dinamo Zagrebit të Arbër Hoxhës në Allianz Arena, ndërsa përballja tjetër e mbrëmjes së sotme që luhet po në orën 21:00 është Sporting Lisbon-Lille.
Ndeshjet e Ligës së Kampioneve:
