Janë zbardhur emrat e 12 kandidatëve që kanë aplikuar për të marrë drejtimin e Policisë së Shtetit, pas dorëheqjes së Muhamet Rrumbullakut, teksa afati për të aplikuar mbyllet ditën e nesërme.
Pas mbylljes së afatit për të aplikuar do të jetë komisioni i ngritur, sipas udhëzimit të ministrit të Brendshëm Ervin Hoxha, që do të vlerësojë se kush përmbush kriteret për postin e rëndësishëm.
Mes emrave që kanë aplikuar është edhe kreu i Policisë së Elbasanit, Ilir Proda, për të cilin është denoncuar në media se gara dhe procedurat janë fiktive, pasi do të jetë ai që do të marrë drejtimin e organizatës së uniformave blu, teksa është caktuar nga krimi.
Po ashtu, mes aplikuesve është edhe kreu i Policisë së Shkodrës, Edmond Sulaj, për të cilin të enjten e kaluar Gazment Bardhi nxori nga foltorja e Kuvendit bisedat në aplikacionin “Sky Ecc”, duke akuzuar se është caktuar nga bandat kriminale në atë post.
LISTA E APLIKANTËVE:
Lufti Minxhozi
Ilir Proda
Idajet Faskaj
Neritan Nallbati
Skënder Hita
Gentjan Shehaj
Ardian Çipa
Sami Rasha
Edmond Sulaj
Pëllumb Seferi
Adriatik Tafçiu
Shemsi Prençi
