Aksi nacional Pogradec – Qafë Thanë – Përrenjas është pushtuar nga mjegulla këtë të diel, duke shkaktuar vështirë në qarkullimin e mjeteve.
Në kushte të tilla atmosferike, drejtuesit e automjeteve kanë qenë të detyruar të lëvizin me shpejtësi të reduktuar për të shmangur aksidentet, pasi edhe shikimi ka qenë tejet i kufizuar.
Policia Rrugore u ka kërkuar drejtuesve të automjeteve, të cilët përdorin këtë aks, të bëjnë kujdes në ngjitje të Qafë Thanës, segment rrugor me kthesa të shumta, disa prej të cilave të padukshme për drejtuesit e mjeteve.
