Një 41-vjeçar nga Lushnja është arrestuar pasi u kap në flagrancë duke shitur drogë.
Sipas policisë, shtetasi me inicialet G. C., akuzohet se po i shiste një sasi të vogël lënde narkotike një personi tjetër, i cili u procedua penalisht.
Nga kontrolli i banesës së 41-vjeçarit, shërbimet e policisë gjetën dhe sekuestruan një sasi të vogël lënde të dyshuar narkotike heroinë, 1 peshore elektronike, dhe një sasi metadoni.
Njoftimi:
Sektori për Hetimin e Narkotikëve i DVP Fier, në kuadër të megaoperacionit “Tempulli”, arrestoi shtetasin G. C., 41 vjeç, banues në Lushnjë, pasi ky shtetas u kap në flagrancë nga shërbimet e Policisë duke i shitur një sasi të vogël lënde të dyshuar narkotike heroinë, shtetasit K. S., i cili u procedua penalisht. Nga kontrolli i banesës së shtetasit G. C., shërbimet e Policisë gjetën dhe sekuestruan një sasi të vogël lënde të dyshuar narkotike heroinë, 1 peshore elektronike, dhe një sasi metadoni.
