Kombëtarja shqiptare do të zhvillojë dy ndeshje përballë Ukrainës dhe Gjeorgjisë më 7 dhe 10 shtator në kuadër të Ligës së Kombeve.
Lista e tanishme ka ngjallur shumë reagime me pensionimin e Gjasulës, mbetjen jashtë të lojtarëve si Etrit Berisha, Ernest Muçi, Arbnor Mujës si dhe dëmtimet e Armando Brojës e Berat Gjimshitit.
Me mungesën e këtij të fundit, Shqipëria mbetet ‘pa kapiten’ zyrtar në këto dy sfida, ndërsa s’do të kemi as kapitenin e dytë që ishte portieri Berisha.
Në këtë mënyrë, sipas edhe emrave në listë, i treti në rradhë është Elseid Hysaj i cili do të jetë kapiteni zyrtar në këto ndeshje dhe do të mbajë shiritin nëse do të zbresë në fushën e lojës.
Pas Hysajt, në rradhë janë Amir Abrashi, e Thomas Strakosha.
