Një kamion i kompanisë së ujit Lajthiza ka bllokuar qarkullimin e makinave në tunelin e Llogarasë. Mesa duket shoferi i kamionit ka “përtuar” ti shkojë deri në fund dhe ka zgjedhur të kthehet në mes të tunelit duke shkaktuar edhe rradhë të gjata makinash.
Ministrja Belinda Balluku, teksa fliste me superlativa për punën e kryer në tunel, tha se dy njësi policore do të qëndrojnë në hyrjet e daljet e tunelit, i cili po ashtu do të jetë nën monitorimin e kamerave.
Mesa duket, kamerat nuk janë edhe aq efektive kur një kamion arrin të bllokojë tunelin duke bërë manovra të palejueshme dhe policia nuk duket asgjëkundi.
