Riaktivizohet vatra e zjarrit në afërsi të bjeshkës së Shishtavecit, në vendin e quajtur “Guri Mëngjesit”.
Sipas pamjeve dhe autoriteteve vendore, zjarri ka rënë pasditen e sotme (1 Shtator), në kodrat pa dalë në zonën e bjeshkëve, në zonën e quajtur prej banorëve si “Çuka”.
Ka qenë ndërhyrja e zjarrfikësve që bëri shuarjen e vatrës së parë mbrëmjen e së shtunës, të ndihmuar edhe nga banorët, por vatra është aktivizuar përsëri ditën e sotme (e diel), pas një ere të fortë.
Në vend ngjarje kanë shkuar shërbimi zjarrfikës dhe forcat e policisë të cilat kanë nisur hetimet nëse zjarri është i qëllimshëm apo aksidental.
