Policia ka identifikuar një nga ekzekutorët e Gentian Bejtjas, i cili u vra me breshëri plumbash në mars të këtij viti në oborrin e banesës së tij në Larushk të Fushë-Krujës.
‘BalkanWeb’ bën me dije se ekzekutori, i cili identifikohet si person me tre mbiemra: Florian Plakut, Mamo dhe Serjani, njihej edhe me pseudonimin “Pole qorri”.
Mësohet gjithashtu se Policia e Vlorës ka bërë kontrolle në disa vende, përfshirë edhe banesën e ekzekutorit, por se Florian Plaku nuk është gjendur ende.
Dyshimet janë se ky person ndodhet jashtë territorit të Shqipërisë.
Gentian Bejtja, u ekzekutua me breshëri plumbash më 15 mars të këtij viti në oborrin e banesës së tij në Larushk të Fushë-Krujës. Në pranga pak ditë nga ekzekutimi i Bejtjas në mars të këtij viti, kanë rënë në prangat e Policisë, 30 vjeçari Edison Haxhiu dhe një 41-vjeçar me tre emra, Ilir Beqaraj allias, Brahimi, allias Mançellari. Beqaraj dhe Haxhiu dyshohet se i përkasin një grupi kriminal me aktivitet në Fushë Krujë dhe zonën rreth e rrotull. Ilir Beqaraj rezulton kushëri i Ylli Ibrahimit, krahut të djathtë të Ervis Martinajt. Deri tani asnjë prej të arrestuarve nuk po bashkëpunon me hetuesit.
Lexo edhe:
