Detaje të reja janë zbuluar nga ngjarja në zonën e njohur si ‘Misto Mame’ në Tiranë, ku Klajdi Kapedanin 40 vjeç, u qëllua me kaçavidë në bark.
40-vjeçari ndodhet aktualisht në Spitalin e Traumës në gjendje të stabilizuar ndërsa përgjatë natës do të mbahet në vëzhgim të detajuar.
Balkanweb shkruan se shkak i goditjes së 40-vjeçarit, dyshohet të jetë xhelozia, pasi dyshohet se i ka ngacmuar të dashurën autorit.
Ndërkohë, policia thotë se ka identifikuar autorin e kësaj ngjarje dhe e ka shpallur në kërkim.
“Tiranë/Informacion paraprak
Më datë 24.08.2024, rreth orës 20:00, në rrugën “Besim Alla”, është dëmtuar dyshohet me mjet prerës, shtetasi K. K., 40 vjeç, i cili është dërguar në spital për ndihmë mjekësore dhe ndodhet jashtë rrezikut për jetën.
Nga ana e Policisë është identifikuar autori i dyshuar dhe po punohet për kapjen e tij, ndërsa grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
