Policia e Tiranës në bashkëpunim me atë të Pogradecit kanë arrestuar një vajzë të shpallur në kërkim kombëtar.
Në kuadër të operacionit policor të koduar “Location” është vënë në pranga shtetasja A. Xh., 33 vjeçe, banuese në Tiranë.
Sipas policisë së kryeqytetit, 33 vjeçarja ishte shpallur në kërkim pasi Gjykata e Shkallës së Parë Tiranë, e ka dënuar me 1 vit e 4 muaj burgim për veprat penale “Prostitucioni” dhe “Shfrytëzimi i prostitucionit”.
Materialet i kaluan Prokurorisë, për veprime të mëtejshme.
