Shpëtim Muhaj nuk ka arritur dot të mbijetojë. 64-vjeçari, i cili dy ditë më parë i vuri flakën vetes pasi ishte lyer me benzinë, mësohet se ka ndërruar jetë.
Ngjarja e rëndë u regjistruar mëngjesin e 21 Gushtit në apartamentin e tij, në lagjen “28 Nëntori” të qytetit të Ballshit. Ai u dërgua me urgjencë në spitalin e Fierit, por nuk ka arritur dot t’u mbijetojë plagëve të marra nga djegiet e shumta.
Mësohet se 64-vjeçari kohët e fundit kishte shfaqur probleme të shëndetit mendor. Burime bëjnë me dije se edhe rreth një javë më parë, ai kishte tentuar të kryente vetëvrasje, duke u varur brenda shtëpisë,por ndërhyrja në kohë e familjarëve dhe ndihma mjekësore i shpëtuan jetën.
Ende nuk dihen arsyet që e kanë shtyrë 64-vjeçarin drejt këtij akti ekstrem, teksa ngjarja po hetohet nga Policia e Mallakastrës.
Viktima ishte i martuar dhe jetonte së bashku me bashkëshorten në katin e parë të një pallati në Ballsh.
