Mustapha Gbolahan Salami do të vijojë karrierën në elitën e futbollit izraelit.
Sulmuesi anësor, i cili shkëlqeu sezonin e kaluar me Kukësin në Kategorinë Superiore, ditën e sotme është prezantuar në radhët e Bnei Yehuda.
Salami ka kaluar me sukses testet mjekësore duke firmosur edhe kontratën, detajet e së cilës pritet të mësohen në vijim. Ende nuk dihet shuma që ka përfituar Kukësi nga ky transferim, pasi sulmuesi kishte edhe një vit kontratë me verilindorët.
Për 23-vjeçari nigerian pati oferta nga disa klube brenda dhe jashtë vendit, mes të cilave Ballkani dhe Partizani, por zgjodhi të transferohej në futbollin izraelit.
View this post on Instagram
