Drita e Gjilanit ka pësuar humbje 2:0 në transfertë përballë Legias së Varshavës, në ndeshjen e vlefshme për “play off” të Ligës së Konferencës.
I vemti ekip shqiptar i mbetur në kualifikueset e kompeticioneve europian, pati punë të vështirë në stadiumin “Polish Army”, pasi Legia e dominoi tërësisht takimin, me shumë raste shënimi.
Pjesa e parë e takimit nuk prodhoi asnjë gol, ndonëse vendasit patën disa raste të mira, ku shpëtimtar ishte Faton Maloku te Drita, ndërsa te skuadra kosovare vetëm një rast erdhi me Juan Mesën, goditja e të cilit u ndal nga vija mbrojtëse për t’u devijuar në rivënie këndore.
Për t’u përkeqësuar punët më shumë, Drita mbeti me një lojtar më pak nga minuta e 30-të, kur Hasan Gomda, mori karton të kuq direkt, pas rishikimit të rastit në VAR, pasi që lojtari në fjal shkaktoi ndërhyrje si lojtar i fundit.
Pasi pjesa e parë nuk prodhoi asnjë gol, Legia kaloi në epërsi në minutën e 56-të, kur Blaz Kramer shënoi për 1:0, pas harkimit të mirë të Wszolek.
⚽️ Legia Warszawa 1-0 FC Drita | Blaz Kramerpic.twitter.com/uavcV06RnF
— PushGoals (@PushGoals) August 22, 2024
Vendasit shënuan edhe një herë tjetër në minutën e ’83 të takimit. Si golashënuesi, edhe asistuesi ishin zëvendësues. Marc Gual shënoi për 2:0 pas një aksioni të mirë, ku Morishita asistoi.
⚽️ Legia Warszawa 2-0 FC Drita | Marc Gualpic.twitter.com/AR1vpEad8t
— PushGoals (@PushGoals) August 22, 2024
Me rezultatin 2:0 u mbyll takimi, ku Legia e Varshavës është me një këmbë në grupet e Ligës së Konferencës, por Drita ka edhe një shansë në Prishtinë, më 29 gusht, ku në Fadil Vokrri e pret Legian në ndeshjen e kthimit.
