Personi që shihni në foton e mësipërme është 72-vjeçari Faik Ajdini nga fshati Zhapokike i Memaliajt, i cili u gjet mëngjesin e sotëm i vrarë buzë një përroi që lidhet me lumin Vjosë, teksa familja e tij kishte më shumë se 48 otë që kishte humbur kontaktet me të.
Nga konstatimet paraprake në trupin e të ndjerit, janë konstatuar dy goditje në qafë dhe në kokë ku plaga në qafe ka shkaktuar hemorragji çka ka shkaktuar vdekjen. Goditjet kanë qenë me mjete prerëse sëpatë apo thikë.
Mësohet se viktima shërbente si kryeplak i fshatit pranë bashkisë Memaliaj. Ai ishte njeriu që merrej me ankesat e bashkëfshatarëve duke i adresuar këto ankesa në strukturat policore dhe bashkisë Memaliaj.
Vrasja e 72-vjeçarit Faik Ajdini dyshohet se është kryer për një konflikt me një nga çobanët e zonës, me të cilët dy muaj më parë ai ka pasur përplasje lidhur me një kullotë për bagëtitë.
Për momentin prokuroria e Gjirokastrës që po heton rastin e lidh ngjarjen për shkak të detyrës që kryente 72-vjeçari.
Ndërsa konflikti për kullotën e bagëtive është motivi kryesor.
