Janë zbardhur emrat e autorit dhe të plagosurit të ngjarjes së regjistruar pak pas mesditës së sotme tek “Komuna e Parisit” në Tiranë.
Burime bëjnë me dije se i plagosur ka mbetur shtetasi Lorenc Kosta, ndërsa autor i krimit është shtetasj Erjon Goxhara. Ky i fundit mësohet se është me detyrë efektiv Policie.
Të njëjtat burime bëjnë me dije se Erjon Goxhara ka qëlluar disa herë me armë zjarri drejt Lorenc Kostës, duke e lënë të plagosur dhe më pas është larguar në drejtim të paditur.
I plagosuri është transportuar me urgjencë drejt spitalit të Traumës, teksa ende nuk dihet gjendja e tij shëndetësore.
Në vendin e ngjarjes ndodhen forca të shumta Policie, të cilat po punojnë për zbardhjen e plotë të rrethanave të ngjarjes.
