Policia e Tiranës ka dalë me një informacion paraprak në lidhje me të shtënat me armë zjarri të regjistruar mesditën e sotme në zonën e “Komunës së Parisit”.
Blutë e kryeqytetit konfirmojnë se i plagosuri është 45-vjeçari Lorenc Kosta, ndërsa autori është efektivi i Policisë, Erjon Goxharaj.
Sipas Policisë së Tiranës, krimi ka ndodhur për motive të dobëta, teksa autori është larguar në drejtim të paditur pas ngjarjes.
Njoftimi:
Më datë 19.08.2024, rreth orës 14:07, në afërsi të një marketi te rrethrrotullimi i Komunës së Parisit, dyshohet se për motive të dobëta, shtetasi E. G., (punonjës Policie) ka plagosur me armë zjarri shtetasin L. K., 45 vjeç, i cili ndodhet në spital, në kujdesin e mjekëve.
Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.
