Klubi i Tiranës feston sot 104 vjetorin e krijimit.
Përmes rrjeteve sociale bardheblutë e kryeqytetit kanë publikuar një video përshëndetëse për këtë ditë të veçantë për ta.
Tirana është ekipi me më shumë tituj kampionë të fituar, plot 26. Por kabineti i trofeve të Tiranës nuk mbyllet me kaq, pasi ka fituar edhe 16 herë të tjera Kupën e Shqipërisë, ndërsa Superkupën e vendit e ka fituar 11 herë.
“Sot, numërojmë për ty, 104! Gëzuar, vizioni i përjetësisë! Në pafundësi me TY, për TY, Tirona!”, shkruan klubi i Tiranës në rrjetet sociale.
