Një person i ka dërguar vëllait të tij një mesazh kërcënues në Pogradec, pas një konflikti me të për motive pronësie. Bëhet fjalë për shtetasin me iniciale H.Ç., i cili është proceduar penalisht në gjendje të lirë nga Policia e Pogradecit.
“Komisariati i Policisë Pogradec referoi materialet në Prokurori, ku filloi procedimi penal për shtetasin H. Ç., pasi dyshohet se për shkak të një konflikti për motive pronësie, ka kanosur vëllanë e tij, duke i lënë një fishek luftarak te dera e banesës.” – thuhet në njoftimin e autoriteteve.
Materialet procedurale i kaluan Prokurorisë së Korçës për veprime të mëtejshme.
